Historias do cine en Ribeira

O presidente do Club Exxpopress de Xornalistas de Galicia, Suso Souto, impartiu o pasado 19 de xuño na Aula Multimedia de Ribeira a charla titulada "Historias do cine: regreso ó presente", no marco da programación do Xuño da Cultura e as Artes do Concello de Ribeira.

Entre os asistentes atopábanse os alcaldes de Ribeira, Manuel Ruiz, e Boiro, Juan José Dieste. 

Botando man de interesantes fotos e vídeos, Souto fixo un amplo repaso ós momentos nos que se marcaron os fitos máis importantes na historia do séptimo arte, dende as orixes da fotografía e o invento da lanterna máxica, o fonógrafo, o quinetoscopio ou o cinematrógrafo, ata as novas plataformas de distribución (Internet e telefonía móvil) e recordando películas pioneiras, como as primeiras con son, en cor, en cinemascope, etc.